வீடு கட்டுவது முதல், அதில் நாம் வைக்கும் ஒவ்வொரு பொருளுக்கும் வாஸ்து சாஸ்திரம் ஒரு வழிகாட்டியாக உள்ளது. வாஸ்து என்பது வெறும் நம்பிக்கையாக இல்லாமல், அது ஒரு அறிவியல் பூர்வமான கலையாகும். நம் வீட்டில் உள்ள ஆற்றலை சமநிலைப்படுத்தி, நம் வாழ்வில் அதிர்ஷ்டத்தையும், மகிழ்ச்சியையும் ஈர்க்க உதவுகிறது. அந்த வகையில் பேரதிர்ஷ்டத்தை தரக்கூடிய கிருஷ்ணர் சிலையை எங்கு வைப்பது? என்னும் வாஸ்து சார்ந்த குறிப்பை தான் இந்த பதிவின் மூலம் நாம் அறிந்து கொள்ள போகிறோம்.
வீட்டில் நேர்மறை அதிர்வுகளை அதிகரிக்கவும், அமைதியைக் கொண்டு வரவும் பல வாஸ்து பொருட்கள் உள்ளன. அவற்றில் ஒன்று, கிருஷ்ணர் சிலை. கிருஷ்ணர் சிலையை வீட்டில் வைப்பதன் மூலம் வரக்கூடிய நன்மைகள் ஏராளம் உண்டு. கிருஷ்ணர் சிலை, வீட்டில் மகிழ்ச்சி, அன்பு, மற்றும் அதிர்ஷ்டத்தை ஈர்க்கும் ஒரு சக்தி வாய்ந்த வாஸ்து பொருளாக கருதப்படுகிறது. குறிப்பாக, குழந்தையில்லாத தம்பதிகள், தங்கள் வீட்டில் வெண்ணெய் உண்ணும் கிருஷ்ணர் சிலையை வைத்தால் குழந்தை பாக்கியம் கிடைக்கும் என்பது ஒரு நம்பிக்கை.
இந்த சிலை உங்கள் வீட்டில் நேர்மறை ஆற்றலை மேம்படுத்தி, அதிர்ஷ்டத்தையும், அமைதியையும் கொண்டு வரும். கிருஷ்ணர் சிலையை எந்த திசையில் வைக்க வேண்டும்? என்கிற வாஸ்து விதி உண்டு. கிருஷ்ணர் சிலையை வீட்டின் சில குறிப்பிட்ட திசைகளில் வைப்பதன் மூலம் அதன் முழுப் பலனையும் பெறலாம்.
சமையலறை: சமையலறையில் கிருஷ்ணர் சிலையை வைத்தால், அது வீட்டில் உள்ள உணவு தானியங்களுக்கு ஆசிர்வதித்து, வறுமை வராமல் தடுக்கும் என்று நம்பப்படுகிறது. குறிப்பாக, வெண்ணெய் உண்ணும் கிருஷ்ணர் சிலையை சமையலறையின் வடகிழக்கு திசையில் வைப்பது மிகவும் சிறந்தது. படுக்கையறை: கணவன்-மனைவிக்கு இடையே அன்பு, ஒற்றுமை, மற்றும் நல்லுறவு மேம்பட, தம்பதிகள் தங்கள் படுக்கையறையில், வெண்ணெய் உண்ணும் கிருஷ்ணர் சிலையை வைக்கலாம். ராதாவுடன் இணைந்த கிருஷ்ணன் சிலையையும் வைக்கலாம். இது அவர்களுக்குள் இருக்கும் பிணைப்பை பலப்படுத்தும்.
குழந்தைகள் அறை: உங்கள் குழந்தைகள் சுறுசுறுப்புடன் இருக்கவும், படிப்பில் கவனம் செலுத்தவும், அவர்களின் அறையில் குழந்தை கிருஷ்ணர் சிலையை வைக்கலாம். இது அவர்களுக்குள் நேர்மறை எண்ணங்களை வளர்க்க உதவும். வீட்டின் நுழைவாயில்: வீட்டின் பிரதான நுழைவாயிலில் கிருஷ்ணர் சிலையை வைப்பது, வீட்டிற்குள் நேர்மறை ஆற்றலை ஈர்க்க உதவும். ஆனால், சில சமயங்களில் சிலையின் முகம் வீட்டின் உள்ளே பார்த்தவாறு வைப்பது நல்லது.
இதையும் படிக்கலாமே:
குரு-புதன் சேர்க்கை பலன்
சிலை வைக்கும் போது கவனிக்க வேண்டியவை:
கிருஷ்ணர் சிலையை ஒருபோதும் தரையில் வைக்கக் கூடாது. சிலையை ஒரு சுத்தமான மேடை அல்லது அலமாரியில் வைப்பது நல்லது. நீங்கள் வைக்கும் கிருஷ்ணர் சிலையின் அருகில் அல்லது சிலையின் கீழ் ஒரு சிறிய விளக்கு ஏற்றுவது, மேலும் நேர்மறை ஆற்றலை அதிகரிக்கும். கிருஷ்ணர் சிலை இருக்கும் இடம் எப்போதும் சுத்தமாக இருப்பதை உறுதி செய்யவும். வாழ்க்கையில் மகிழ்ச்சி, அமைதி, மற்றும் செழிப்பை ஈர்க்க, கிருஷ்ணர் சிலையை சரியான திசையில் வைத்து அதன் முழு நன்மையையும் பெறலாம். இது வாஸ்துவின் ஒரு பகுதியாக, உங்கள் வீட்டிற்கு புத்துணர்ச்சியையும், நேர்மறை ஆற்றலையும், அதிர்ஷ்டத்தையும் கொண்டு வரும்.