பால் கேசரி செய்முறை

குழந்தைகள் முதல் பெரியவர்கள் வரை எல்லோருக்குமே பொதுவாக கேசரி என்றாலே பிடித்தமான ஒன்று! சாதாரண வீட்டு விசேஷங்கள் முதல் பெரிய பெரிய விழாக்களிலும் பிரசித்தி பெற்ற இந்த கேசரியில் அருமையான சுவை உண்டு. அதிலும், பால் சேர்த்து செய்யப்படும் இந்த பால் கேசரி தனித்துவமான சுவையுடன் இருக்கும். பால் கேசரியை எளிமையாகவும், விரைவாகவும் எப்படி நம் வீட்டிலேயே செய்வது? என்று இந்த சமையல் குறிப்பு பதிவின் மூலம் தொடர்ந்து பார்ப்போம்.

பால் கேசரி செய்ய தேவையான பொருட்கள்:
ரவை – 1 கப்
பால் – 2 கப்
சர்க்கரை – 1.5 கப் (சர்க்கரையின் அளவு உங்கள் விருப்பப்படி மாற்றிக்கொள்ளலாம்)
நெய் – 1/2 கப்
தண்ணீர் – 1 கப்
ஏலக்காய் பொடி – 1/2 தேக்கரண்டி
முந்திரி, திராட்சை – சிறிதளவு
குங்குமப்பூ – ஒரு சிட்டிகை (ஆப்ஷனல்)

பால் கேசரி செய்முறை விளக்கம்:
முதலில், ஒரு கடாயை அடுப்பில் வைத்து, அதில் அரை கப் நெய் சேர்த்து சூடாக்குங்கள். நெய் சூடானதும், முந்திரி மற்றும் திராட்சையைச் சேர்த்து பொன்னிறமாக வறுத்து தனியாக எடுத்து வைத்துக் கொள்ளுங்கள். அதே கடாயில், மீதமுள்ள நெய்யில் ரவையைச் சேர்த்து மிதமான தீயில் 5-7 நிமிடங்கள் வறுங்கள். ரவை வாசம் வரும் வரை வறுப்பது முக்கியம். அது போல ரவை தீயாமல் பார்த்துக் கொள்ள வேண்டும். ரவை வறுபட்டதும் அதை ஒரு தட்டில் மாற்றி தனியாக வைத்துக் கொள்ளுங்கள்.

அதே கடாயில், இரண்டு கப் பாலைச் சேர்த்து கொதிக்க வையுங்கள். பால் கொதிக்க ஆரம்பித்ததும், தண்ணீரைச் சேர்க்கவும். பால் மற்றும் தண்ணீர் சேர்த்த இந்த கலவை நன்றாகக் கொதித்ததும், அடுப்பை மிதமான தீயில் வைத்து, வறுத்த ரவையை மெதுவாகவும், சிறிது சிறிதாகவும் கொட்டி, கட்டி பிடிக்காமல் கைவிடாமல் கிளறுங்கள். ரவை நன்றாக வெந்து, கலவை கெட்டியாக வரும் போது, சர்க்கரையைச் சேர்த்து நன்கு கலக்கவும். சர்க்கரை கரைந்து, கலவை மீண்டும் சற்று இளகும். கலவையை தொடர்ந்து கிளறிக் கொண்டே இருங்கள். கலவை மீண்டும் கெட்டியாகி, கடாயில் ஒட்டாமல் வரும்.

இந்த நேரத்தில், ஏலக்காய் பொடி, வறுத்து வைத்த முந்திரி, திராட்சை மற்றும் குங்குமப்பூவைச் சேர்த்து நன்றாகக் கலக்கவும். கடைசியாக, மீதமுள்ள நெய்யைச் சேர்த்து நன்கு கிளறி, அடுப்பை அணைத்து விடுங்கள். சுவையான மற்றும் மணமான பால் கேசரி இப்போது தயார். இதை சூடாகப் பரிமாறுங்கள். பால் சேர்த்திருப்பதால், இதன் சுவையும், மணமும் கூடுதலாக இருக்கும். இதை வீட்டிலேயே செய்து பார்த்து எப்படி இருந்தது? என்று நீங்களே கூறுங்கள்.

இதையும் படிக்கலாமே:
9-9-2025 நாளை 999 பிரபஞ்ச வசிய நாள் பரிகாரம்

வீட்டு விசேஷங்கள், பிறந்தநாள், திருமண நாள் என்று வந்துவிட்டாலே முன்பெல்லாம் இந்த கேசரியை தான் கிண்டி கொடுப்பார்கள். கேசரி சரியான பதத்தில் கிண்டும் பொழுது அதன் சுவை தனித்துவமானதாகவும், ருசியானதாகவும் இருக்கும். அதுவும் கல்யாண வீட்டு கேசரி என்றால் எப்படி இருக்கும்? என்று நம்மால் விவரிக்கவே முடியாது. வாயில் வைத்தாலே அப்படியே கரைந்து போகும். அந்த அளவிற்கு அட்டகாசமான ருசியுடன் இருக்கக் கூடிய இந்த பால் கேசரியை நீங்களும் இப்படி ஒருமுறை ட்ரை பண்ணி அசத்துங்க.