புனர்பூசம் நட்சத்திரத்தின் பொதுவான குணங்கள்

0
110
astrology

புனர்பூசம்:

punarpusam

இதனை புனர்வஸு என்றும் சொல்வார்கள். ‘புனர்’ என்றால் ‘மீண்டும்’ என்று பொருள். ‘வஸு’ என்பது ‘சிறப்பு’ அல்லது ‘நல்லது’ என்பதைக் குறிக்கும். ‘மீண்டும் சிறப்பு’ என்பதே இந்த நட்சத்திரத்தின் பொருள். பகவான் ஸ்ரீவிஷ்ணு ராமனாக அவதரித்தது இந்த நட்சத்திரத்தில்தான் என்பது குறிப்பிடத்தக்கது.

பொதுவான குணங்கள்:

தெளிவான அறிவு, பற்று, பாசம், நேர்மை, நியாய உணர்வு, தயாள குணம், பொறுமை போன்ற உயரிய குணங்கள் இவர்களுக்கு உரியது. நல்லதையே நினைத்து நல்லதையே செய்பவர்கள். பிறர் நலம் நாடுபவர்கள். ஆன்மிகத் துறையிலும், பொதுச் சேவையிலும் ஈடுபாடு கொண்டவர்கள் பலர் இந்த நட்சத்திரக்காரர்களாக இருப்பார்கள்.
astrology wheel

புனர்பூசம் முதல் பாதம்:

இதன் தலைவர் செவ்வாய். பாசமும் கோபமும் இவர்களது சுபாவமாக அமையும். ஒழுக்கம் உள்ளவர்கள். சொன்னதைச் செய்பவர்கள். பிறரோடு உரையாடுவதில் சமர்த்தர்கள்.

புனர்பூசம் இரண்டாம் பாதம்:

சுக்கிரன் ஆளும் இந்தப் பாதத்துக்கு உரியவர்கள் சுக போகங்களை விரும்புபவர்கள். பிறர் நலத்தில் நாட்டம் கொண்டவர்கள். கொடுத்த வாக்கைக் காப்பாற்றுபவர்கள். தெய்வ பக்தி உள்ளவர்கள்.
astrology-wheel

புனர்பூசம் மூன்றாம் பாதம்:

புனர்பூசம் 3-ம் பாதம் புதனுக்கு உரியது. இதில் பிறந்தவர்கள் புத்திக்கூர்மை, கடுமையான உழைப்பு, ஒழுக்கம், தெய்வ பக்தி, சேவை செய்யும் மனப்பான்மை போன்ற உயர்ந்த குணமுடையவர்கள். நீண்ட ஆயுள் இருந்தாலும், எப்போதும் உடல் நலக் குறைவும், மன இறுக்கமும் இருக்கும்.

புனர்பூசம் நான்காம் பாதம்:

சந்திரன் இதன் அதிபதி. வாழ்க்கைத் தேவைகளில் விருப்பமும் ஆசையும் கொண்டவர்கள். நல்ல தோற்றமும் அழகும் உள்ளவர்கள். அறிவைப் பயன்படுத்தி வெற்றி பெறத் தெரிந்தவர்கள்.