சருமத்தை பளபளப்பாகவும், ஆரோக்கியமாகவும் வைத்திருக்க இயற்கைப் பொருட்கள் எப்போதும் சிறந்தவை. இந்த ஃபேஸ் பேக், நம் வீட்டிலேயே தயார் செய்யக்கூடிய வகையில் ரொம்பவும் எளிதானதாக இருக்கிறது. இயற்கையான அழகு பொலிவை மீட்டு எடுப்பதற்கு இந்த 4 பொருட்களில் இருக்கும் குணாதிசயங்களும் ஒன்று சேர்வதன் மூலம் இந்த மேஜிக் நடக்கிறது. இது உங்கள் சருமத்திற்கு இயற்கையான பொலிவை அளிக்கிறது. 4 நிமிடத்தில் உங்கள் முகத்தில் இருக்கும் அழுக்குகளை வெளியேற்றி, சருமத்தை மெருகூட்டும் அதிசயத்தை நிகழ்த்துகிறது. இயற்கை பொழிவு தரும், அழகு குறிப்பு பதிவு இதோ உங்களுக்காக!
ஃபேஸ் பேக் செய்ய தேவையான பொருட்கள்:
முல்தானி மட்டி – 2 தேக்கரண்டி
கிரீன் டீ பவுடர் – 1 தேக்கரண்டி (கிரீன் டீ இலைகளை மிக்சியில் அரைத்து பவுடராக்கிக் கொள்ளலாம் அல்லது கிரீன் டீ பேக்கின் உள்ளே இருக்கும் பவுடரைப் பயன்படுத்தலாம்)
கஸ்தூரி மஞ்சள் – 1/2 தேக்கரண்டி
பன்னீர் (ரோஸ் வாட்டர்) – தேவையான அளவு (கலக்க)
ஃபேஸ் பேக் தயாரிக்கும் முறை:
ஒரு சுத்தமான கிண்ணத்தில் முல்தானி மட்டி, கிரீன் டீ பவுடர் மற்றும் கஸ்தூரி மஞ்சள் ஆகியவற்றை மேற்கூறிய அளவின்படி சேர்க்கவும். மெதுவாக பன்னீரைச் சேர்த்து, கட்டிகள் இல்லாமல் மிருதுவான பேஸ்ட் பதத்திற்கு நன்கு கலக்கவும். தேவைப்பட்டால் மேலும் பன்னீர் சேர்த்துக் கொள்ளலாம். பேக் மிகவும் கெட்டியாகவோ அல்லது நீர்த்த நிலையிலோ இருக்கக் கூடாது. தோலில் பூசும் அளவிற்கு சரியான பதம் வந்தவுடன் நிறுத்தி விடவும்.
ஃபேஸ் பேக் பயன்படுத்தும் முறை:
முதலில் உங்கள் முகத்தை சோப்பு அல்லது ஃபேஸ் வாஷ் பயன்படுத்தி நன்கு சுத்தம் செய்து கொள்ளவும். ஃபேஸ் பேக் போட்ட பிறகு சோப்பு போடக் கூடாது. அப்படி செய்தால் இதன் தன்மையை வீணடித்துவிடும். தயாரித்து வைத்துள்ள ஃபேஸ் பேக்கை உங்கள் முகம் மற்றும் கழுத்துப் பகுதியில் சீராக பூசவும்.
கண்களைச் சுற்றி உள்ள மென்மையான பகுதியைத் தவிர்க்கவும். சுமார் 15-20 நிமிடங்கள் அல்லது ஃபேஸ் பேக் முழுவதுமாக உலரும் வரை அப்படியே விடவும். பேக் காய்ந்ததும், குளிர்ந்த நீரால் மெதுவாகத் துடைத்து விடவும். ரொம்பவும் அழுத்தி முகத்தை எப்போதும் துடைக்கக் கூடாது. பின்னர் தண்ணீரில் நன்கு கழுவவும். வாரம் ஒரு முறை அல்லது இரண்டு முறை இந்த ஃபேஸ் பேக்கைப் பயன்படுத்தலாம்.
இந்த ஃபேஸ் பேக்கின் நன்மைகள்:
முல்தானி மட்டி, சருமத்தில் உள்ள அதிகப்படியான எண்ணெயை உறிஞ்சி, முகப்பருக்களைக் குறைக்க உதவுகிறது. சருமத் துளைகளைச் சுருக்கி, சருமத்திற்கு புத்துணர்ச்சி அளிக்கிறது. கிரீன் டீ பவுடர், ஆன்டிஆக்ஸிடன்ட்கள் நிறைந்தது. இது சரும பாதிப்புகளைக் குறைத்து, சருமத்தை இளமையாகவும், பளபளப்பாகவும் வைத்திருக்க உதவுகிறது.
இதையும் படிக்கலாமே:
அக்னி வாராகி மந்திரம்
கஸ்தூரி மஞ்சள், சரும நிறத்தை மேம்படுத்தி, கரும்புள்ளிகள் மற்றும் தழும்புகளைக் குறைக்க உதவுகிறது. இது பாக்டீரியா எதிர்ப்பு பண்புகளையும் கொண்டுள்ளது. பன்னீர், சருமத்தை மென்மையாக்கி, ஈரப்பதத்துடன் வைத்திருக்க உதவுகிறது. சருமத்திற்கு இயற்கையான பளபளப்பைக் கொடுக்கிறது. இந்த இயற்கையான ஃபேஸ் பேக் உங்கள் சருமத்திற்குப் புத்துணர்ச்சியையும், பொலிவையும் அளித்து, ஆரோக்கியமான சருமத்தைப் பெற உதவும்! .ஒரே ஒருமுறை போட்டு கழுவிய பின்னர் பாருங்கள், செம ரிசல்ட் கிடைக்கும்.