சிறுநீரக பாதிப்பை தவிர்க்க அதிகம் சாப்பிடக்கூடாத அந்த 8 பொருட்கள் எவையெல்லாம் தெரியுமா?

kidney2

நம் உடலில் உள்ள முக்கிய உறுப்புகளில் ஒன்றாக இருப்பது சிறுநீரகம். உடலில் உள்ள தேவையற்ற கழிவுகளை, நச்சுப்பொருட்களை வெளியேற்றுவதில் முக்கிய பங்காற்றுவது சிறுநீரகம் தான். உடலின் திரவநிலை மற்றும் ரத்த அழுத்தத்தை சீராக வைப்பதில் முக்கிய பணியாற்றுவது சிறுநீரகம். அத்தகைய சிறுநீரகம் சரியாக செயல்பட முடியாவிட்டால் உடலில் பல்வேறு பாதிப்புகளை ஏற்படுத்தும். சிறுநீரக பாதிப்பு ஏற்படுவதை தவிர்ப்பதற்கு எந்தெந்த உணவு பொருட்களை அதிகமாக சேர்த்துக் கொள்ளக் கூடாது என்பதைப்பற்றிய தகவல்களை இப்பதிவில் காணலாம்.

kidney

நவநாகரிக உலகத்தினர் ஆரோக்கியமான உணவுகளை எடுத்துக் கொள்வதில் ஆர்வம் காட்ட மறுப்பது சிறுநீரக பிரச்சனைக்கு முக்கிய காரணமாக விளங்குகிறது. புதுமை என்கிற பெயர்களில் உடலுக்கு ஒவ்வாத கண்ட கண்ட உணவுகளை உட்கொண்டு உடல் உறுப்புகளை பாதிப்படைய செய்கின்றனர். பாதிப்பு ஏற்பட்ட பின்னர், உணவு கட்டுப்பாட்டை மேற்கொள்கின்றனர். இதற்கு உணவு குறித்த போதிய விழிப்புணர்வு இல்லாததே காரணமாக அமைகிறது. எத்தகைய உணவுகளை அளவுக்கு அதிகமாக எடுத்துக்கொள்வதால் சிறுநீரகம் பாதிக்கப்படும் என்பதை பார்ப்போம்.

பதப்படுத்தி வைக்கப்பட்டிருக்கும் இறைச்சி வகைகளை உணவில் சேர்த்துக் கொள்வதை கட்டாயம் தவிர்க்க வேண்டும். இதில் இருக்கும் அதிக அளவு புரோட்டீன் மற்றும் குறைவாக இருக்கும் சோடியம் சிறுநீரக கற்களை உருவாக்கும். எனவே இறைச்சி வகைகளை பதப்படுத்தப்பட்ட/பதப்படுத்தி உபயோகப்படுத்தக் கூடாது.

iraichi

பழுப்பு அரிசி என்னும் ஒருவகை அரிசி உடலுக்கு நன்மைகள் செய்தாலும் சிறுநீரகத்திற்கு இது நல்லதல்ல. இதில் இருக்கும் பாஸ்பரஸ் மற்றும் பொட்டாசியத்தின் அளவு சிறுநீரகத்தை பாதிக்கக் கூடிய தன்மையுடையது. எனவே பழுப்பு அரிசியை சிறுநீரக பாதிப்பு உள்ளவர்கள் தவிர்ப்பது நல்லது.

- Advertisement -

அதிகம் பொட்டாசியம் நிறைந்துள்ள உணவு பொருட்களை அளவாக உட்கொள்வது தான் நல்லது. மேலும் உணவில் சேர்க்கப்படும் உப்பின் அளவையும் கட்டுப்படுத்துவது சிறுநீரக பாதிப்பை தவிர்ப்பதற்கு துணை செய்யும். இவை அளவிற்கு மீறினால் சிறுநீரகம் நஞ்சாகிவிடும். பொட்டாசியம் அதிகம் நிறைந்துள்ள அவகோடா பழத்தை அளவிற்கு அதிகமாக சேர்க்காமல் இருப்பது நல்லது. இதில் இருக்கும் பொட்டாசியம் சிறுநீரகத்தில் அடைப்பை ஏற்படுத்தும்.

potato-urulai

உருளைக்கிழங்கு பொட்டாசியம் அதிக அளவு கொண்டிருந்தாலும் அதை வேக வைத்து சமைக்கும் போது அதில் இருக்கும் பொட்டாசியத்தின் அளவு பாதியாக குறைந்து விடுகிறது. எனினும் உருளைக்கிழங்கை அதிக அளவில் சேர்த்துக் கொள்ளாமல் இருப்பது சிறுநீரகத்திற்கு நல்லது.

பேக் செய்யப்பட்ட சூப் வகைகளையும், காய்கறிகளையும் அன்றாட உணவில் சேர்ப்பதை தவிர்த்து கொள்வது நல்லது. இது போன்ற அடைக்கப்பட்ட பொருட்களில் இருக்கும் சோடியம் மற்றும் உப்பின் அளவு சிறுநீரக செயல்பாட்டை பாதிக்கும்.

tomato

பொதுவாகவே தக்காளிப்பழத்தை விதை நீக்கி உபயோகப்படுத்துவது அதிகரித்து வருகிறது. இவ்வகையில் தக்காளி பழத்தில் இருக்கும் பொட்டாசியம் அளவு சிறுநீரக பிரச்சினைகள் மற்றும் சிறுநீரக கற்களை உருவாக்குவதில் பங்கு கொள்கிறது. எனவே தக்காளிப்பழத்தை அளவிற்கு அதிகமாக உணவில் சேர்ப்பதை குறைத்துக் கொள்வது நல்லது.

வாழைப்பழம் சிறுநீரகத்திற்கு பாதிப்பை ஏற்படுத்தும். வாழைப்பழத்தில் இருக்கும் சோடியத்தின் அளவு குறைவு என்றாலும் இதில் இருக்கும் பொட்டாசியத்தின் அளவு மிக அதிகம். ஒரு வாழைப்பழத்தில் 422 மில்லிகிராம் பொட்டாசியம் உள்ளது. எனவே வாழைப் பழத்தை அதிக அளவு உட்கொள்வதை தவிர்ப்பது நல்லது.

பேரிச்சம்பழம் மற்றும் உலர் பழங்களில் இருக்கும் பொட்டாசியத்தின் அளவு சிறுநீரக செயல்பாட்டிற்கு பாதிப்பை உருவாக்க வல்லது. இதனை அளவிற்கு அதிகமாக உட்கொள்வதை குறைத்துக் கொள்ள வேண்டும். இவற்றில் இருக்கும் மற்ற சத்துக்கள் உடலுக்கு நன்மைகள் தருபவையாக இருந்தாலும், பொட்டாசியம் சிறுநீரகத்தை பாதிக்கும். குறைந்த அளவில் மற்றும் தேவையான அளவில் இவற்றை எடுத்து கொள்ளுங்கள். அளவிற்கு அதிகமாக எடுத்து கொள்வது நல்லதல்ல.

dates 4

மேலே கொடுக்கபட்டுள்ள அனைத்து உணவு பொருட்களும் உடலுக்கு நன்மைகளை செய்யக் கூடியவை. எனினும் அதில் அடங்கி இருக்கும் பொட்டாசியம் மற்றும் சோடியத்தின் அளவு சிறுநீரகத்தை பாதிக்கும் என்பதால் அளவிற்கு அதிகமாக சாப்பிடுவதை குறைத்துக் கொள்வது நல்லது. அதற்காக முற்றிலும் தவிர்த்துவிடக் கூடாது. தேவையான அளவு கட்டாயம் எடுத்துக் கொள்ளுங்கள். அதே சமயம் உங்களது சிறுநீரகத்தையும் பாதுகாப்பாக வைத்து கொள்ளுங்கள். இன்று சிறுநீரகத்தால் பாதிக்கப்படுவோர் எண்ணிக்கை அதிகரித்து கொண்டிருக்கிறது. சிறுநீரக செயலிழப்பால் உயிரிழப்போரின் எண்ணிக்கையும் அதிகரித்து வருகிறது. எனவே எந்த உணவையும் சீரான விகிதத்தில் எடுத்துக் கொள்வதே ஆரோக்கியத்திற்கு நல்லது.

இதையும் படிக்கலாமே
இந்தப் பொருட்களையெல்லாம் சமையலுக்காக வாங்கி, முன்கூட்டியே வீட்டில் வைக்கக் கூடாது. விபரீத விளைவுகளை ஏற்படுத்தும் அந்தப் பொருள்கள் என்னென்ன?

இது போன்ற மேலும் பல ஆரோக்கியம் சார்ந்த குறிப்புகளை அறிந்து கொள்ள எங்களோடு இணைந்திருங்கள்.

English Overview:
Here we have Foods to avoid for kidney health. Kidney pathippu. Kidney disease. Siruneeragam problems in Tamil. Kidney safety tips in Tamil.