ஜோதிடம் : ஆகஸ்ட் மாத சூரிய பெயர்ச்சி – 12 ராசியினருக்குமான பலன்கள்

suryan

நவகிரகங்களில் முதன்மை நாயகனாகவும், உலகிற்கே ஒளியை தருபவருமாக சூரிய பகவான் இருக்கிறார். ஆகஸ்ட் மாதம் 17 ஆம் தேதி சனிக்கிழமை மதியம் 01. 18 மணியளவில் சூரிய பகவான் “கடகம்” ராசியிலிருந்து “சிம்ம” ராசிக்கு பெயர்ச்சியாகியிருக்கிறார். இந்த சூரியனின் பெயர்ச்சியால் 12 ராசியினருக்கும் ஏற்படவிருக்கும் பலன்கள் என்ன என்பதை இங்கு அறிந்து கொள்ளலாம்.

மேஷம்:

Mesham Rasi

மேஷ ராசிக்கு 5 ஆம் இடமான சிம்ம ராசிக்குக்கு சூரியன் பெயர்ச்சியடைந்ததால் புதிதாக வாழ்க்கைக்கு தேவையான பொருட்களை வாங்குவார்கள். திடீர் பணவருவாய் கிடைக்கும். சொத்துக்களை வாங்கும் யோகம் உண்டாகும். மாணவர்கள் தாங்கள் விரும்பிய கல்வியில் சேர்வார்கள். பெண்களுக்கு நல்ல வரன்கள் அமைந்து திருமணம் நடக்கும். உங்களின் நீண்ட நாள் ஆசைகள் நிறைவேறும். பெண்களுக்கு மகிழ்ச்சியான நிகழ்வுகள் நடக்கும். குழந்தைகளால் பெருமையடைவீர்கள்.

ரிஷபம்:

Rishabam Rasi

ரிஷப ராசிக்கு 4 ஆம் வீட்டிற்கு சூரியன் பெயர்ச்சியடைந்திருப்பதால் நெருங்கிய உறவுகள் சிலர் உடல்நலம் பாதிக்கப்பட்டு மருத்துவ செலவுகள் ஏற்படும்.வியாபாரங்களில் பெரும் லாபமில்லையென்றாலும் இருக்கும் வருவாய்க்கு குறைவேற்படாது. பிரிந்திருக்கும் தம்பதிகள் ஒன்று சேர்வார்கள். வெளிநாடுகளுக்கு செல்லும் யோகமுண்டாகும். பணவிவகாரங்களில் எச்சரிக்கை அவசியம்.

மிதுனம்:

midhunam

மிதுன ராசிக்கு 3 ஆம் வீடான சிம்ம ராசிக்கு சூரியன் பெயர்ச்சியாகியிருப்பதால் ராசிக்காரர்களின் சிந்தனை மற்றும் செயல் திறன் அதிகரிக்கும். பணப்பற்றாக்குறை ஏற்படும். சகோதர உறவுகளின் அனுகூலம் ஏற்படும். குடும்பத்திலும் பிரச்சனைகள் உருவாகும். கலைத் தொழிலில் உள்ளவர்களுக்கு வெளியூர் மற்றும் வெளிநாட்டு பயணங்களால் நன்மைகள் ஏற்படும். சிறிய உடல்நல பாதிப்புகள் ஏற்படும்

கடகம்:

Kadagam Rasi

கடக ராசிக்கு 2 ஆம் வீடான சிம்ம ராசிக்கு சூரியன் பெயர்ச்சியாகியிருப்பதால் புதிதாகத் தொடங்கிய தொழில் வியாபாரங்களில் நல்ல லாபம் கிடைக்கும். விரும்பிய இடங்களில் பணிமாற்றம் கிடைக்கும். வாங்கிய கடன்களை திரும்ப அடைத்து விட முடியும். பெண்களுக்கு சிறிது உடல்நலக் குறைகள் ஏற்பட்டு நீங்கும். குழந்தை இல்லாதோருக்கு குழந்தைப் பேறு கிட்டும்.

சிம்மம்:

simmam

சிம்ம ராசியிலேயே சூரியன் பெயர்ச்சியாகியிருப்பதால் வருமானத்திற்கு குறைவிருக்காது. உடலில் புதியதொரு உற்சாகம் ஏற்படும். ஈடுபடும் அனைத்து செயல்களிலும் வெற்றி பெறுவீர்கள். பிரச்சனைகள் ஏற்படாமலிருக்க வீண் விவாதங்களைத் தவிர்க்கவும். மாணவர்கள் கல்வியில் கவனமுடன் படித்தால் மட்டுமே தேர்வில் வெற்றி பெற முடியும். உடல்நலம் நன்றாக இருக்கும்.

கன்னி:

Kanni Rasi

கன்னி ராசி ராசிக்கு 12 ஆம் இடத்தில் சூரியன் பெயர்ச்சியாகியிருப்பதால் மற்றவர்களிடம் பேசும் போது வார்த்தைகளில் கவனம் தேவை. பொன், பொருள் சேர்க்கையுண்டாகும். வாகனங்கள் இயக்கும் போது கவனம் தேவை. வாங்கிய கடன்களனைத்தும் வட்டியுடன் கட்டி கடனைத் தீர்ப்பீர்கள். அரசியலிலுள்ளோர் எதிலும் சற்று எச்சரிக்கையுடன் இருப்பது அவசியம். தொலைதூரப் பயணங்களால் நன்மைகள் ஏற்படும்.

துலாம்:

Thulam Rasi

துலாம் ராசிக்கு 11 இடமாகிய சிம்ம ராசிக்கு சூரியன் பெயர்ச்சியாகியிருப்பதால் நோய் மற்றும் கடன் ஏற்படும். அதே நேரத்தில் அக்கடனை தீர்ப்பதற்கான வருவாயும் கிடைக்கும். பேசும் வார்த்தைகளில் கவனம் கொண்டால் வீண் வாக்குவாதங்களைத் தவிர்க்கலாம். கலைத்தொழிலில் உள்ளவர்களுக்கு பணமும் புகழும் கிடைக்கும். உடல்நலம் பாதிப்பால் சிறிய மருத்துவச் செலவுகள் ஏற்படும்.

விருச்சகம்:

Virichigam Rasi

விருச்சிக ராசிக்கு 10 ஆம் இடமான சிம்ம ராசியில் சூரியன் பெயர்ச்சியாகியிருப்பதால் விவசாயிகள் லாபமடைவார்கள்.உங்கள் சொந்தங்கள் நண்பர்கள் மூலம் உங்களுக்கு வருவாய் ஏற்படும். பணிபுரிவோருக்கு ஊதிய உயர்வுடன் பணிமாறுதல் கிடைக்கும். அரசியலில் இருப்போர்களுக்கு பதவிகள் கிடைக்கும்.சிறிய மருத்துவச் செலவுகள் ஏற்படும்.

தனுசு:

Dhanusu Rasi

தனுசு ராசிக்கு 9 ஆம் வீடான சிம்ம ராசியில் சூரியன் பெயர்ச்சியடைவதால் உறவினர்களால் அனுகூலம் ஏற்படும். குடும்பத்தில் மனஸ்தாபம் ஏற்படும்.நினைத்த காரியங்களில் பல தடைகளுக்கு பின்பே வெற்றி கிடைக்கும். தொழிலிலோ, வியாபாரத்திலோ லாபத்திற்கு எந்த ஒரு குறையும் இருக்காது. பெண்களுக்கு சிறு உடல் நல பாதிப்புகள் இருக்கும். எல்லா விஷயங்களிலும் சிறிது விட்டுக் கொடுத்து செல்வது நல்லது.

மகரம்:

Magaram rasi

மகர ராசிக்கு 8 ஆம் வீடான சிம்ம ராசிக்கு சூரியன் பெயர்ச்சியடைந்திருப்பதால் கண், உடல் உஷ்ணம் தொடர்பான நோய்கள் ஏற்படும். குடும்பத்தில் குழப்பங்கள் ஏற்படும். உடல்நலம் அடிக்கடி பாதிப்பிற்குள்ளாகும். கொடுத்த கடன்கள் சரியான நேரத்திற்கு திரும்ப கிடைக்காது. தொழில், வியாபாரங்களில் சுமாரான லாபங்களே கிடைக்கும். வெளியூர் பயணங்களினால் லாபங்கள் ஏதும் இருக்காது.

கும்பம்:
Kumbam Rasi

கும்ப ராசிக்கு 7 ஆம் வீடான சிம்ம ராசிக்கு சூரியன் பெயர்ச்சியடைந்திருப்பதால் உங்களுக்கோ உங்களின் நெருங்கிய உறவுகளுக்கோ ஆரோக்கிய குறைபாடு ஏற்படும். கொடுக்கல் வாங்கல் விடயங்களில் இழுப்பரியான நிலை நீடிக்கும். உறவுகளின் சுப நிகழ்ச்சிகளில் பங்கேற்று மகிழ்வீர்கள். பிறருடன் பேசும் போது வார்த்தைகளில் கவனம் அவசியம்.

மீனம்:

Meenam Rasi

மீன ராசிக்கு 6 ஆம் வீடான சிம்ம ராசிக்கு சூரியன் பெயர்ச்சியடைந்திருப்பதால் உங்களுக்கு வெளிநபர்களிடம் மதிப்பு கூடும். உடலில் சிறு ஆரோக்கிய குறைபாடுகள் ஏற்பட்டு நீங்கும். நீங்கள் நினைத்தக் காரியங்கள் அனைத்தும் நிறைவேறும் குழந்தைகளால் குடும்பத்தில் மகிழ்ச்சி ஏற்படும் பெண்களுக்கு சிறந்த இடத்தில் திருமணம் நிகழும்.

இதையும் படிக்கலாமே:
மிதுன லக்கினத்தின் வருமானம் எப்படியிருக்கும்?

இது போன்று மேலும் பல ஜோதிடம் சார்ந்த தகவல்கள் தெரிந்து கொள்ள எங்களுடன் இணைந்திருங்கள்.

English overview:
Here we have Surya peyarchi august in Tamil. It is also called as 12 rasi palangal in Tamil or Suryan peyarchi in Tamil or 12 rasi palan in Tamil or 12 rasigal in Tamil.