கடவுள் வாயில் மதுவை ஊற்றும் வினோத கோவில்

0
152

பெரும்பாலான கோவில்களில் திருநீரு குங்குமம் போன்றவற்றை தான் பிரசாதமாக கொடுப்பது வழக்கம். சில விசேஷ நாட்களில் பொங்கல், புளியோதரை போன்றவற்றையும் கொடுப்பார்கள். அனால் இதற்கு நேர் எதிராக, பக்தர்களுக்கு மதுபானங்களை பிரசாதமாக கொடுக்கும் விசித்திரமான கோவில் ஒன்று உள்ளது. வாருங்கள் இதை பற்றி விரிவாக பார்ப்போம்.

Kalbairav

மத்தியபிரதேச மாநிலம், உஜ்ஜைனில் உள்ளது கால பைரவர் கோயில். கிட்டத்தட்ட 1000 வருடங்கள் பழமையான இந்த கோவிலில் உள்ள கால பைரவர் சிலைக்கு வெறும் மதுபானங்களை மட்டுமே படையலாக வைக்கின்றனர்.

அதோடு இறைவனின் வாயிலும் சிறிது மதுவை ஊற்றுகின்றனர். அதேபோல் இந்த கோயிலிற்கு வரும் பக்தர்களுக்கும் மதுவே பிரசாதமாக கொடுக்கப்படுகிறது.

Kaal-Bhairav

பழங்காலத்தில் இங்குள்ள கால பைரவருக்கு 5 வகையான படையல்கள் போடப்பட்டுள்ளன. அதில் கரி, மீன், மது உள்ளிட்டவையும் அடக்கம். அனால் தற்போது இங்கு வெறும் மதுவை மட்டுமே படைக்கின்றனர். கோவில்களுக்கு வெளியில் நாம் பூ, பழம் வெற்றிலை பாக்கு போன்றவற்றை விற்று தன் பார்த்திருப்போம். அனால் இங்கு பூ, பழத்தோடு சேர்த்து பாட்டில்களில் மதுவையும் விற்கின்றனர்.

alcohol in temple

பக்தர்கள் கொண்டு செல்லும் மது பாட்டில்களை அந்த கோவில் பூசாரி வாங்கி அதை கால பைரவரின் வாயருகே கொண்டு சென்று சிறுது ஊற்றிவிட்டு மீதமுள்ளதை பக்தர்களிடம் கொடுக்கிறார். கால பைரவர் வாயருகே கொண்டு சொல்லும் மதுபாட்டில்களில் இருந்து மூன்றி ஒரு பங்கு மதுவை அவர் தானே குடிப்பதாக நம்பப்படுகிறது. அனால் இதை தெளிவாக ஆய்வு செய்ய அங்குள்ள பூசாரிகள் அனுமதிப்பதில்லை.

kal bhairav temple

மது நாட்டிற்கும் வீட்டிற்கும் கேடு என்று கூறிவரும் இந்த காலகட்டத்தில் கடவுளுக்கே தினமும் லிட்டர் லிட்டராக மதுவை ஊற்றுவது சற்று வியப்பாக தான் உள்ளது. எதனால் இத்தகைய ஒரு வினோத பழக்கம் அந்த கோவிலில் பின்பற்றப்படுகிறது ? இதற்கு மாற்று வழி ஏதேனும் உண்டா? என்பதெல்லாம் கட்டாயம் ஆராய வேண்டிய விடயம்.