சன்னா மசாலா பொதுவாக சப்பாத்தி, பூரி போன்ற டிபன் வகைகளுடன் சேர்த்து சாப்பிட நன்றாக இருக்கும். அனைத்து ஹோட்டல்களிலும் சன்னா மசாலா கிடைக்கும். ஆனால், அதனை வீட்டில் எப்படி சுலபமாக சமைப்பது என்பது பற்றி இந்த பதிவில் காண்போம் வாருங்கள்.
சன்னா மசாலா செய்ய தேவையான பொருட்கள்:
கொண்ட கடலை – 200 கிராம்
உப்பு – தேவையான அளவு
எண்ணெய் – சிறிதளவு
வெங்காயம் – 2
இஞ்சி – 1 துண்டு
பூண்டு – 4 பல்
மஞ்சள்தூள் – 1/2 டீஸ்பூன்
சீரகத்தூள் – 1 டீஸ்பூன்
கரம் மசாலா – 1 டீஸ்பூன்
மல்லித்தூள் – 2 டீஸ்பூன்
மிளகாய்த்தூள் – தேவைக்கேற்ப
தக்காளி – 2
பட்டை – 1
ஏலக்காய் -2
கிராம்பு – சிறிதளவு
பச்சைமிளகாய் – 2
கொத்தமல்லி – சிறிதளவு
சன்னா மசாலா செய்முறை:
சன்னா மசாலா செய்ய முதலில் கொண்டைக்கடலையினை தண்ணீர் மற்றும் உப்பு சேர்த்து 8 மணிநேரம் வரை ஊறவைக்கவும் . பிறகு ஊறிய கொண்ட கடலையினை ஒரு குக்கரில் போட்டு 4 முதல் 5 விசில் வரை விடவும்.
பிறகு மசாலா தயார் செய்ய ஒரு கடாயில் எண்ணெய் ஊற்றி வெங்காயம் சேர்த்து நன்றாக வதக்கவும். பிறகு அதனுடன் இஞ்சி, பூண்டு மற்றும் அனைத்து மசாலா தூள்களையும் சேர்த்து கிளறி பிறகு அதனுடன் தக்காளி சேர்த்து நன்றாக 5 நிமிடம் வதக்கவும்.
வதக்கிய மசாலாவை மிக்ஸியில் போட்டு அரைத்து எடுத்து வைத்துக்கொள்ளவும். பிறகு ஒரு கடாயில் சிறிதளவு எண்ணெய் ஊற்றி பட்டை, ஏலக்காய், கிராம்பு மற்றும் பச்சைமிளகாய் போட்டு தாளித்து அதனுடன் நாம் ஏற்கனவே அரைத்து வைத்த மசாலாவை கொட்டி 5 நிமிடம் வரை கொதிக்க விடவேண்டும்.
மசாலா நன்றாக கொதித்ததும் அதில் நாம் குக்கரில் வாய்த்த கொண்டைக்கடலையை எடுத்து கொட்டி 5 நிமிடம் வரை மூடி வைக்கவும். பிறகு கொத்தமல்லி தூவி எடுத்தால் சுவையான சன்னா மசாலா தயார்.
சமைக்க ஆகும் நேரம் – 30 நிமிடங்கள்
சாப்பிடும் நபர்களின் எண்ணிக்கை – 4
இதையும் படிக்கலாமே:
குலாப் ஜாமுன் செய்வது எப்படி
இது போன்று மேலும் பல சமையல் குறிப்புக்கள் தெரிந்து கொள்ள எங்களுடன் இணைந்திருங்கள்.
Here we have Channa masala recipe in Tamil. It is also called as Channa masala seimurai or Channa masala seivathu eppadi in Tamil or Channa masala preparation in Tamil.
