எந்த ராசிக்கார்கள் சிவனை எப்படி வழிபாட்டால் பூரண அருள் கிடைக்கும் தெரியுமா ?

0
983
sivan

உலக மக்கள் அனைவரையும் காத்து ரட்சிக்கும் சிவபெருமானின் அருளை பூரணமாக பெறுவதற்கு நியதிகள் சில இருக்கின்றன. அதன் படி எந்த ராசிக்காரர்கள் சிவபெருமானை எப்படி வணங்கினால் அவரது அருள் மொழியில் நனையலாம் என்ற பொதுவான ராசி பலன் பற்றி பார்ப்போம் வாருங்கள்.

lingam

மேஷம்

மேஷ ராசிக்காரர்கள் மலை மேல் அமர்ந்த சிவனை வழிபடுவது நல்லது. குறிப்பாக திருவண்ணாமலை சென்று வழிபடலாம்.

ரிஷபம்

ரிஷப ராசிக்காரர்கள், திருவானைக்காவல், கங்கைகொண்ட சோழபுரம், திருவாரூர் ஆகிய ஊர்களிலுள்ள சிவாலயங்களுக்குச் சென்று வழிபடலாம். அப்படிச் செல்ல முடியாதவர்கள் அருகிலுள்ள சிவாலயத்துக்குச் சென்று பூஜைப்பொருட்களுடன் தயிர் கலந்த நீரை வைத்துப் படைத்து பஞ்சாட்சர மந்திரத்தைச் சொல்லி வணங்கலாம்.

இதையும் படியுங்கள்:
குரு பகவானின் அருள் பெற சொல்லவேண்டிய மந்திரம்

மிதுனம்

மிதுன ராசிக்காரர்கள், திருச்செங்கோடு, சிதம்பரம், காளஹஸ்தி ஆகிய இடங்களுக்குச் சென்று வரலாம். அப்படிச் செல்ல முடியாதவர்கள் அருகிலுள்ள சிவாலயத்துக்குச் சென்று பூஜைப்பொருட்களுடன் கரும்புச்சாறு வைத்துப் படைத்து பஞ்சாட்சர மந்திரத்தைச் சொல்லி வணங்கலாம்.

கடகம்

கடக ராசிக்காரர்கள், திருக்கடையூர், திருவானைக்காவல், வேலூர் ஜலகண்டேஸ்வரர் கோயில் சென்று வழிபடலாம். அப்படிச் செல்ல முடியாதவர்கள் அருகிலுள்ள சிவாலயத்துக்குச் சென்று பூஜைப்பொருட்களுடன் சர்க்கரைக் கலந்த பால் வைத்துப் படைத்து பஞ்சாட்சர மந்திரத்தைச் சொல்லி வணங்கலாம்.

triyambakeswarar lingam

சிம்மம்

சிம்ம ராசிக்காரர்கள், சிதம்பரம், திருவண்ணாமலை சென்று வழிபடலாம். அப்படிச் செல்ல முடியாதவர்கள் அருகிலுள்ள சிவாலயத்துக்குச் சென்று சிவப்புச் சந்தனம் கலந்த பாலால் அபிஷேகம் செய்து பஞ்சாட்சர மந்திரத்தைச் சொல்லி வணங்கலாம்.

கன்னி

கன்னி ராசிக்காரர்கள், காஞ்சி ஏகாம்பரேஸ்வரர், மதுரை மீனாட்சி சொக்கநாதரை வழிபடலாம்.

துலாம்

துலாம் ராசிக்காரர்கள் சிதம்பரம், காளஹஸ்தி, மதுரை மீனாட்சி சொக்கநாதர் கோயில் சென்று தரிசிப்பது மிகுந்த பலனைத் தரும்.அப்படிச் செல்ல முடியாதவர்கள் அருகிலுள்ள சிவாலயத்துக்குச் சென்று பாலாபிஷேகம் செய்து பஞ்சாட்சர மந்திரத்தைச் சொல்லி வணங்கலாம். செல்வச்செழிப்பு மிகும்.

lingam

விருச்சகம்

விருச்சிக ராசிக்காரர்கள் திருவானைக்காவல், வேலூர் ஜலகண்டேஸ்வரர் கோயிலுக்குச் சென்று வழிபடலாம். அப்படிச் செல்ல முடியாதவர்கள் அருகிலுள்ள சிவாலயத்துக்குச் சென்று பூஜைப்பொருட்களுடன் வெல்லம் கலந்த நீரை வைத்துப் படைத்து பஞ்சாட்சர மந்திரத்தைச் சொல்லி வணங்கலாம்.

தனுசு

தனுசு ராசிக்காரர்கள், திருப்பரங்குன்றம், திருவண்ணாமலை சென்று வழிபடுவது நல்லது.

மகரம்

மகர ராசிக்காரர்கள் காஞ்சி ஏகாம்பரேஸ்வரர் கோயிலுக்குச் சென்று வழிபட்டால் சிறப்பான பலன்களை அடையலாம்.

lingam

கும்பம்

கும்ப ராசிக்காரர்கள் சிதம்பரம், காளஹஸ்தி ஆகிய சிவதலங்களுக்குச் சென்று வழிபட்டால், உற்சாகம் தரும் செய்திகள் உங்களை வந்தடையும்.

மீனம்

மீன ராசிக்காரர்கள் வேதாரண்யம், ஜலகண்டேஸ்வரர் கோயில், திருவானைக்காவல் சென்று வழிபட்டால் சிறப்பான பலனைப் பெறலாம். அப்படிச் செல்ல முடியாதவர்கள் அருகிலுள்ள சிவாலயத்துக்குச் சென்று பாலில் குங்குமப்பூ கலந்து அபிஷேகம் செய்து, பஞ்சாட்சர மந்திரத்தைச் சொல்லி வணங்கலாம். செல்வச்செழிப்பு மிகும்.

சிவலிங்கத்துக்கு நல்லெண்ணெய் அபிஷேகம் செய்வது நல்லது. வீட்டிலேயே பூஜை செய்பவர்கள், பூஜைப் பொருட்களுடன் வில்வப் பழம் வைத்துப் படைத்தால், நினைத்த காரியம் கைகூடும்.