வடமாநில பகுதிகளில் வசிக்கும் மக்களின் ஜோதிடம் சார்ந்த நம்பிக்கையில் ஒன்றாக இருந்து வருகிறது இந்த ‘லால் கிதாப்’ என்னும் சிகப்பு புத்தகம். ஒருவருடைய ராசியை கொண்டு அவர்கள் எப்படிப்பட்ட பரிகாரத்தை செய்தால், வாழ்வில் சிறப்பாக இருக்க முடியும்? என்பதை தெளிவாக எடுத்துரைக்கிறது.
இதில் கூறப்பட்டுள்ள பரிகார முறைகளை பின்பற்றி பலனடைந்தவர்கள், இதன் மகத்துவத்தை மற்றவர்களுக்கும் தெரிவிக்கவே இந்நூல் பிரபலமாகியது. இந்நூலில் தனுசு ராசிக்கு கூறப்பட்ட பரிகாரங்கள் என்ன? என்பதைத் தான் இனி தொடர்ந்து இந்த பதிவின் மூலம் தெரிந்து கொள்ள போகிறோம்.
தனுசு ராசிக்காரர்களின் நல்வாழ்விற்கான லால் கிதாப் பரிகாரங்கள்:
தனுசு ராசிக்காரர்கள் தங்களின் வாழ்வில் இருக்கும் துரதிர்ஷ்டங்கள் நீங்க செம்பு நாணயங்களை ஓடும் நீரில் தொடர்ச்சியாக 43 நாட்கள் சென்று விட்டு விட கூறுகிறது.
நீங்கள் உங்களின் தந்தையார் உடைய உடைமைகளை, படுக்கை மாற்றும் ஆடைகளை பத்திரப்படுத்துவது நல்ல அதிர்ஷ்டம் உண்டாக்கும் என்று கூறுகிறது.
உங்களிடம் யார் யாசகம் கேட்டாலும் இல்லை என்று கூறிவிடாதீர்கள். உங்களால் முடிந்தவற்றை தர்மம் செய்யுங்கள் என்கிறது அந்த புத்தகம்.
நீங்கள் கோவிலுக்கு நெய், தயிர், கற்பூரம் இவைகளை திங்கள் அல்லது வெள்ளிக்கிழமைகளில் தானமாக வழங்கி வருவது சிறப்பான பலன்களை தருமாம்.
உங்கள் வீட்டின் முன்பகுதியில் பூக்கள் பூக்கும் செடிகளை விதைத்து வளர செய்வது அதிர்ஷ்டம் உண்டாக்கும். அதிலும் மஞ்சள் நிற பூக்கள் பூக்கும் செடிகளை வளர்ப்பது சிறப்பான பலன் தரும் என்கிறது லால் கிதாப்.
நீங்கள் ‘அரி வம்சம்’ என்கிற புராணத்தை வியாழக்கிழமைகளில் படிப்பது நல்லது. ‘அரி வம்சம்’ என்பது விஷ்ணுவின் எட்டாவது அவதாரமான ஸ்ரீ கிருஷ்ணரை பற்றியது. மகாபாரதத்தின் இணைப்பு நூலாக கருதப்படுகிறது.
தனுசு ராசிக்காரர்கள் அரச மரத்தை வலம் வந்து வழிபாடு செய்வது நன்மைகள் உண்டாக்கும். உங்களால் முடிந்த போதெல்லாம் அரச மரத்தை பிரதட்சணம் செய்யலாம்.
தனுசு ராசிக்காரர்களாகிய நீங்கள் யாரையும் ஏமாற்றவோ, பொய் சாட்சியோ கூறக்கூடாது என்கிறது லால் கிதாப்.
உங்களது ராசிப்படி நீங்கள் உங்களது வாழ்வில் ஒரு முறையேனும் ஹரித்துவார் சென்று அங்குள்ள புண்ணிய நதியான கங்கையில் நீராடி உங்களது வம்சம் தழைத்தோங்கவும், சந்ததிகள் வாழ்வு வலம் பெறவும் வேண்டிக் கொண்டால் வேண்டியது வேண்டியபடி அப்படியே கட்டாயம் நடக்கும் என்கிறது இந்த அற்புத நூலான லால் கிதாப்.
இந்த பரிகாரங்கள் அனைத்தும் வட மாநில மக்கள் பின்பற்றி அனுபவத்தில் சிறப்பான பலன்களை கண்டுள்ளதாக கூறியுள்ளனர். இவற்றை பின்பற்றுவதால் எந்த விதமான பாதிப்புகளும் ஏற்படப் போவதில்லை. நம்பிக்கையுடன் செய்து பார்க்கலாமே. நன்மைகள் நடந்தால் நல்லது தான்.
இதையும் படிக்கலாமே
சனி பகவானின் தோஷம் நீங்கிட என்ன பரிகாரம் செய்ய வேண்டும்? 12 ராசிக்காரர்களுக்கான வழிபாடு.
இது போன்ற ஜோதிடம் சார்ந்த பல தகவல்களை அறிந்து கொள்ள எங்களோடு இணைந்திருங்கள்.
English Overview:
Here we have Lal kitab astrology in tamil. Lal kitab remedies in tamil. Lal kitab tamil. Lal kitab tips.
