இன்றைய சமுதாயம் ஏழை பணக்காரன் என்ற இருவித மக்களைக் கொண்டுள்ளது. ஏழையாக இருப்பவர்கள் பணக்காரர்களுக்கு பலவித வேலைகளை செய்து கொடுப்பவர்களாக மட்டுமே இருக்கின்றனர். ஆனால் பணக்காரர்களாக இருப்பவர்கள் மேலும் மேலும் பணத்தை சேர்த்துக் கொண்டே செல்கின்றனர். இன்றைய மக்கள் என்ன தான் படித்தாலும், வேலை செய்தாலும் போராடினாலும் பணத்தை சேர்த்து வைப்பது என்பது அவர்களால் முடிவதில்லை. சம்பாதிக்கிற பணத்தை அன்றைய பிரச்சனைகளுக்காகவும் மற்றும் குடும்பத்திற்காக செலவு செய்வதற்குமே சரியாக இருக்கிறது. இதில் எங்கிருந்து மற்றவர்களைப் போன்று பணக்காரராக முடியும். இவ்வாறு பணத் தட்டுப்பாடு என்பது இருந்து கொண்டு தான் இருக்கிறது. எனவே இவ்வாறான சூழ்நிலையில் இருந்து நம்மை விடுவித்துக் கொள்வதற்கு மகாலட்சுமியின் பரிபூரண அருள் இருக்க வேண்டும். இப்படி லட்சுமிதேவியின் அருள் மட்டும் கிடைத்து விட்டால் போதும். பணம் நீங்கள் வேண்டாம் என்று சொன்னாலும் உங்கள் கையில் வந்து சேரும். வாருங்கள் இதற்கு நம் முன்னோர்கள் சொல்லி வைத்த ஒரு தாந்திரீக பரிகாரத்தை பற்றி இந்த பதிவின் மூலம் தெரிந்து கொள்வோம்.
“அருளில்லார்க்கு அவ்வுலகம் இல்லை பொருளில்லார்க்கு இவ்வுலகம் இல்லை” என்று இன்றைய சமூகத்தின் சூழ்நிலையைப் பற்றி அன்றே நமது திருவள்ளுவர் சொல்லிவைத்து சென்றுவிட்டார். ஒருவருக்கு இறைவனின் அருள் இல்லை என்றால் எவ்வாறு மேலுலகத்தில் இடம் இல்லையோ, அதுபோல பொன், பொருள் நம்மிடம் இல்லை என்றால் இந்த மண்ணுலகமும் நம்மை மதிப்பதில்லை.
என்னதான் கடினமாக உழைத்து, சம்பாதித்தாலும் அதனை நம்மால் சேர்த்து வைக்க முடிவதில்லை. எதிர்காலத்திற்கு என்று நாம் சிறிது சிறிதாக சேர்த்து வைத்தாலும், அதற்கு ஏற்ற ஏதாவது ஒரு பிரச்சனை வந்து விடுகிறது. இவ்வாறு நாம் செல்வந்தராக வாழ நினைத்தால் நமது முன் வினைகளின் நற்பலனும், இறைவனின் அருளும் இருந்தால் மட்டுமே இது நடைபெறும்.
எனவே இறைவனின் அருளைப் பெறுவதற்காக இந்த எளிய தாந்த்ரீக பரிகாரம் செய்து வந்தால் நல்ல பலன் கிடைத்து விடும். இதனை புதன்கிழமை மதியம் ஒன்றிலிருந்து இரண்டு மணி அளவில் செய்ய வேண்டும். இதற்காக 5 வெற்றிலைகளை எடுத்துக் கொள்ள வேண்டும். இந்த வெற்றிலையின் காம்புப் பகுதியும், நுனி பகுதியும் சரியாக இருக்குமாறு பார்த்துக்கொள்ளவேண்டும். இவற்றை சுத்தமாக கழுவி வைத்துக் கொள்ள வேண்டும். பின்னர் ஒரு கைக்குட்டை அளவு பட்டுத் துணியை எடுத்து கொள்ள வேண்டும். பிறகு சிறிதளவு பசு நெய் எடுக்க வேண்டும்.
ஒவ்வொரு வெற்றிலையின் மீது நெய்யை பரவலாக தடவி விட வேண்டும். பின்னர் இந்த ஐந்து வெற்றிலையும் பட்டுத்துணியின் நடுவே வைத்து விட்டு, பட்டுத்துணியின் நான்கு முனைகளை வைத்து வெற்றிலையை முழுவதுமாக சுற்றி, ஒரு கயிறு போட்டுக் கட்டி விட வேண்டும்.
இவ்வாறு செய்யும் பொழுது மனதிற்குள் உங்கள் குல தெய்வத்திடம் எனது பொருளாதாரப் பிரச்சனை அனைத்தும் தீர்ந்து விடுவதற்கு நீங்கள் ஏதேனும் ஒரு வழி காண்பிக்க வேண்டும் என்று மனதார வேண்டிக் கொள்ள வேண்டும். பிறகு இதனை நீங்கள் பணம் வைக்கும் அலமாரியில் வைத்து விட வேண்டும். வெற்றிலை மகாலட்சுமியின் அம்சமாகும். எனவே இவ்வாறு செய்வதன் மூலம் நிச்சயம் உங்கள் பொருளாதார நிலைமை உயர்ந்துவிடும்.
