ஆபத்துக்கள் அனைத்தும் விலகியோட உதவும் நரசிம்மர் காயத்ரி மந்திரம்

Narasimar

சிங்கத் தலையோடும் மனித உடலோடும் மகாவிஷ்ணு எடுத்த நான்காவது அவதாரமே நரசிம்மர் அவதாரம். தன்னுடைய பக்தனாக பிரகலாதனை காத்து இரணியனை வதம் செய்யவே இந்த அவதாரத்தை மகாவிஷ்ணு எடுத்தார். பல சிறப்புகள் மிக்க நரசிம்மரை வணங்கும் சமயத்தில் அவருக்குரிய காயத்ரி மந்திரம் அதை ஜெபிப்பதன் பலனாக எத்தகைய ஆபத்தில் இருந்தும் அவர் நம்மை காத்தருள்வார். இதோ அந்த மந்திரம்.

narsimmar

நரசிம்மர் காயத்ரி மந்திரம் :

ஓம் வஜ்ரநாகாய வித்மஹே
தீட்சண தன்ஷ்ட்ராய தீமஹி
தந்நோ நரஸிம்ஹாய ப்ரசோதயாத்

பொது பொருள்:
வஜ்ரம் போன்ற சிங்க நகங்களை கொண்டவரும், தன் பக்தர்களுக்கு எப்போதும் அருளை வாரி வழங்குபவருமான நரசிம்ம பெருமானே என்னை காத்தருளுங்கள்.

இதையும் படிக்கலாமே:
ஆபத்தை நெருங்கவிடாமல் காக்கும் முனீஸ்வரன் காயத்ரி மந்திரம்

இந்த மந்திரத்தை தினமும் 108 முறை கூறுவதன் பயனாக மனதில் உள்ள அச்சம் விலகும், கண்ணுக்கு தெரியாத ஆபத்துக்கள் விலகும், பகைவர் தொல்லை நீங்கும்.

“அக்கிரமங்கள் எப்போதெல்லாம் தலை தூக்குகின்றதோ அப்போதெல்லாம் நான் அவதரித்து தீயவற்றை அழித்து தர்மத்தை நிலை பெற செய்கிறேன்” என குருச்சேத்திர யுத்ததின் போது அர்ஜுனனுக்கு அந்த மகாவிஷ்ணுவின் அவதாரமான கிருஷ்ணர், தனது நிரந்திரமான செயல்பாட்டை பற்றி போதித்திருக்கிறார். இந்த கிருஷ்ணாவதாரத்திற்கு முன்பே, தீய சக்திகளை அழிக்க பல அவதாரங்களை மகாவிஷ்ணு எடுத்திருந்தாலும், மக்கள் பலர் இன்றும் பயபக்தியுடன் வழிபடும் ஒரு அவதாரம் இருப்பின் அது நரசிம்மர் அவதாரமே ஆகும்.

Narasimmar

வேத காலத்தில் ஹிரண்யாட்சகன் எனும் அரக்கனின் சகோதரனான ஹிரண்யகசிபு மூன்று லோகங்கங்களையும் அரசனாக ஆட்சி புரிந்த போது அக்கிரமங்கள் எங்கும் தலைவிரித்தாடின. அதே நேரத்தில் அவனது மகன் பிரகலாதன் அந்த நாராயணின் பக்தனாக இருந்து, அவன் தந்தையின் துன்புறுத்தல்களுக்காளானான். எனவே பிரகலாதன் மற்றும் அனைத்து உலகங்களையும் காக்க மகாவிஷ்ணு “நரசிம்ம அவதாரம்” எடுத்து அரக்கன் ஹிரண்யகசிபுவை வதம் புரிந்தார். அப்படிப்பட்ட நரசிம்மரின் இம்மந்திரத்தை ஜெபிப்பதால் நமக்கு எவ்வித ஆபத்துகளும் ஏற்படாமல் காக்கும்.

English Overview:
Here we have Narasimha Gayatri mantra in Tamil. This is also called as Narasimha mantra in Tamil. By chanting this mantra one can get away from accidents and one can get away from fear.